21.2.09

அனைத்துலக தாய்மொழி நாள்.

இன்று பெப்ரவரி 21 , அனைத்துலக தாய்மொழி நாள்.

1952 இல் இந்த நாளன்று அன்றைய கிழக்கு பாகித்தான் தலைநகர் டாக்காவில் வங்காள மொழியை அரச நிருவாக மொழியாக ஆக்கக் கோரி நடத்தப்பட்ட போராட்டத்தின் போது உயிர்நீத்த நான்கு மாணவர்களின் நினைவாக உலகளாவிய மொழி தொடர்பாக நினைவு கூரப்படும் சிறப்பு நாளாகக் கொண்டாடப்படுகிறது.

வங்காள தேச அரசாங்கத்தின் முயற்சிகள், அனைத்துலக அமைப்புகளது ஆதரவுகள் காரணமாக ஐக்கிய நாடுகள் கல்வி, அறிவியல், பண்பாட்டு நிறுவனத்தால் (யுனெசுகோ) அமைப்பின் 1999, பெப்ரவரி 21 பொது மாநாட்டின் 30 ஆவது அமர்வில் இந்நாளை அனைத்துலக தாய் மொழிநாளாக அறிவித்தது.

பல்வேறு சமூகங்களின் மொழி, பண்பாட்டுத் தனித்தன்மைகளைப் பேணுவதுடன் அவற்றுக்கிடையிலான ஒற்றுமையையும் உருவாக்கும் எண்ணத்தோடு இந்த நாளை யுனெசுகோ அறிவித்தது.

2000 ஆம் ஆண்டு முதல் இந்த நாளானது உலகம் முழுவதும் கொண்டாடப்பட்டு வருகின்றது.




உலகில் உள்ள 6900 மொழிகலில் ஏறக்குறைய 2500 மொழிகள் அடியோடு அழிந்து விடும் ஆபத்து - ஐ நா

அதிகப்படியாக இந்தியாவில் 196 மொழிகள் விரைவில் அழிந்து விடும் என எச்சரிக்கிறது ஐ நா.

அடுத்து அமெரிக்காவில் 192 மொழிகளும், இந்தோனேசியாவில் 147 மொழிகளும் அழியும் ஆபத்து.

ஆத்துரேலியாவின் மொழியியல் வல்லுனர் கிறித்தோபர் மோசுலே தலைமையிலான 25 பேர் கொண்ட வல்லுனர் குழு ஆய்வு தெரிவிக்கிறது.
மேலும், இக்குழு, குறைந்த எண்ணிக்கையிலானவர்கள் பெசும் மொழிகளை பாதுக்காக்கவும் பரப்பவும் நடவடிக்கை எடுக்க ப்படாத தால் தான் அவை அழியும் நிலை ஏற்பட்டு இருப்பதாக தெரிவிக்கிறது.
Post a Comment

நியூஸ் மீடியாக்கள் நியூ மீடியாவை எப்படி பயன்படுத்தி கொள்ள வேண்டும்..? (1)

சோசியல் மீடியாவில் எழுதுவது ஒரு கலை... குறிப்பாக செய்தி ஊடகங்களின் சமூக வலைதளங்களில் எழுதுபவர்கள் வாசகர்களுக்கு செய்தியை உடனுக்குடன் கொ...